Azərbaycan News Agency

Belçika Xarici İşlər Nazirliyinin açıqlamasında Qərb Sahilində, o cümlədən İsrail Müdafiə Qüvvələrinin Tulkaremə və onun sakinlərinə qarşı genişmiqyaslı reydləri daxil olmaqla artan zorakılıq dövründən ciddi narahatlıq ifadə olunub.

İşğal olunmuş Qərb Sahilində, Qüds yaxınlığında İsrail yaşayış məntəqələrinin genişləndirilməsini nəzərdə tutan E1 planının imzalanması kəskin şəkildə pislənilib: «Bu, beynəlxalq hüququn açıq-aşkar pozulmasıdır və iki dövlətli həll imkanını daha da zəiflədir».

Açıqlamada həmçinin, Qərb Sahilində sabitliyi və təhlükəsizliyi daha da zəiflətmə riski daşıyan Fələstin Administrasiyasının maliyyə böhranından ciddi narahatlıq ifadə olunaraq deyilib: «Biz İsraili toplanan vergi gəlirlərini Fələstin Administrasiyasına köçürməyə çağırırıq. İsraili işğal olunmuş Fələstin ərazilərindəki qanunsuz mövcudluğunu dərhal dayandırmaq üçün tədbirlər görməyə çağırırıq. Bütün tərəflər iki dövlətli həll istiqamətində konkret irəliləyiş əldə etmək üçün çalışmalıdır».