Azərbaycan News Agency

Avropa Komissiyasının sədri Leyen qeyd edib ki, onlar gələcəyin avtomobillərinin Avropada istehsal olunmasını istəyirlər və bunu reallaşdırmaq üçün sektorla birlikdə çalışırlar.

O bildirib ki, avtomobil sektoru ilə “3-cü Strateji Dialoq” görüşünü keçiriblər və əlavə edib: “Sənaye Fəaliyyət Planımız nəticə verməyə başlayıb. Biz Avropa şirkətlərini ədalətsiz rəqabətdən qoruyuruq, kritik xammallara çıxışı yaxşılaşdırırıq və işçilərin yenidən ixtisaslaşmasını dəstəkləyirik.”

Sektorun narahatlıqlarını nəzərə alaraq elastiklik təmin etdiklərini vurğulayan Leyen deyib: “Biz dekarbonizasiya ilə texnoloji neytrallığı birləşdirəcəyik. Bu gün texnologiya mobilliyi dəyişdirir, geopolitika isə qlobal rəqabəti yenidən formalaşdırır, hər şeyin əvvəlki kimi davam etməsi mümkün deyil.”

Leyen Avropanın avtomobil innovasiyalarında ön sıralarda olmasını təmin edəcəklərini vurğulayıb.