Azərbaycan News Agency

Ukrayna Prezidenti Zelenski Danimarkanın xarici işlər naziri Lars Løkke Rasmussenlə Ukraynaya daha çox dəstək göstərilməsi məsələsini müzakirə edib.

Görüşdə Rusiyanın Polşaya pilotsuz təyyarələrlə hücumu da müzakirə olunub. Volodimir Zelenski hücuma ən yaxşı cavabın hava hücumundan müdafiənin birgə gücləndirilməsi və Avropa üzərində etibarlı hava qalxanı qurulması olduğunu vurğulayıb.

Rusiyaya qarşı sanksiya təzyiqlərinin artırılması da müzakirə olunub. Prezident qeyd edib ki, Ukrayna Avropa İttifaqının 19-cu sanksiya paketinin ən qısa zamanda qəbul ediləcəyini gözləyir.

Bundan əlavə, Ukraynaya müdafiə dəstəyinin davam etdirilməsi, Danimarkanın PURL təşəbbüsündə iştirakı və birgə silah istehsalı məsələləri də müzakirə olunub.

Lars Løkke Rasmussen bildirib ki, Danimarka Ukraynaya yardım məqsədilə təxminən 10 milyard avro ayırıb və ölkəsinin dəstəyi davam etdirəcəyinə zəmanət verib.