Azərbaycan News Agency

İranın xarici işlər naziri Seyyid Abbas Əraqçi İran-ABŞ arasında keçirilən ikinci görüşlə bağlı açıqlama verib.

Əraqçi bildirib ki, Romadakı nisbətən müsbət atmosfer mümkün razılaşmanın prinsipləri və məqsədləri üzrə irəliləyişə səbəb olub: "İranda bir çox insanın Hərtərəfli Birgə Fəaliyyət Planının (JCPOA) artıq bizim üçün kifayət etmədiyini düşündüyünü açıq şəkildə bildirdik. Onların fikrincə, bu razılaşmadan yalnız 'çıxarılan dərslər' qalıb. Mən də bu fikrə meyilliyəm."

Əraqçi vurğulayıb ki, detalları dəqiqləşdirmək məqsədilə qarşıdakı günlərdə ekspert səviyyəsində danışıqların ilk mərhələsi başlayacaq: "Bu prosesdən sonra vəziyyəti daha sağlam qiymətləndirmək imkanımız olacaq. Hələlik bir qədər nikbinlik yersiz deyil, lakin bu yalnız böyük ehtiyatla mümkündür."