Fələstin Xarici İşlər Nazirliyi həyatını itirən iki liviyalı vətəndaşı yad etdi
Fələstin Xarici İşlər və Diaspora Nazirliyi, Fələstin xalqına dəstək məqsədilə keçirilən yardım kampaniyasında yol qəzasında həlak olan Əhməd Məhəmməd Saleh Hammad və Məhəmməd Əli əl-Hərarini yad etdi.
Qəza paytaxt Tripolinin qərbində yerləşən Zaviya şəhərində baş verib. İki liviyalı vətəndaş "Fələstin Karvanları – Bizim Davamızdır" adlı kampaniya çərçivəsində Fələstin xalqı üçün yardım toplayarkən faciəvi yol qəzasında həyatını itirib. Eyni kampaniyada iştirak edən qardaşlar Əbdürrəhman Mahmud Belğis və Əbdəllim Mahmud Belğis də qəza nəticəsində yaralanıblar.
Xarici İşlər Nazirliyi bu acı itki ilə əlaqədar olaraq qardaş Liviya dövlətinə, xalqına, hökumətinə və xüsusilə mərhumların ailələrinə dərin hüznlə başsağlığı verib, yaralılara şəfa arzulayıb.
Azərbaycan İnformasiya Agentliyi
Facebook
Tweeter
Whatsapp
