Azərbaycan News Agency

Fələstin XİN bəyan edib ki, İsrail hakimiyyətinin Şuafat qaçqın düşərgəsi, Silvan, Vadi əl-Coz və Sur Baher bölgələrində yerləşən BMT-nin Fələstinli Qaçqınlara Yardım və İşlər Agentliyinə (UNRWA) bağlı 6 məktəbi bağlamaq qərarını qətiyyətlə pisləyir.

Bəyanatda bildirilir ki, bu qərar yüzlərlə şagirdin təhsil hüququnu əlindən alır, onların gələcəyini qaranlıqlaşdırır, onlara İsrail tədris proqramını zorla qəbul etdirməyə çalışır və təhsil prosesinə ziyan vurur.

“Bu vəziyyət BMT və onun qurumlarının toxunulmazlığı və imtiyazlarına açıq şəkildə ziddir və Qüdsün 1967-ci ildən bəri işğal olunmuş Fələstin torpaqlarının ayrılmaz hissəsi və Fələstin Dövlətinin paytaxtı olduğunu təsdiqləyən beynəlxalq hüquqa və legitim qərarlara ciddi bir hücumdur.”