Azərbaycan News Agency

Fələstin Xarici İşlər Nazirliyi bildirib ki, Masafer Yatta və Əl-Əğvar bölgələrində hücumlar fasiləsiz davam edir.

Bəyanatda deyilir: “Fələstin Xarici İşlər və Diaspora Nazirliyi, məskunlaşanlar, onların silahlı qrupları və terrorçu elementlərin fələstinli vətəndaşlara, onların torpaqlarına, mülklərinə, evlərinə və müqəddəs yerlərinə qarşı törətdiyi hücum və cinayətləri yaxından izləyir. Bu hücumların son nümunələri Sureyf və Uce qəsəbələrində, Hıdır Kilsəsinə və Ramallahın şərqindəki Tayyibə qəsəbəsinin qəbiristanlığına edilən hücumlar, eləcə də fələstinlilərin hərəkətini məhdudlaşdırmaq üçün yolların torpaq səddləri ilə bağlanmasıdır. Bu hücumlar C zonası kimi təsnif edilən bütün bölgələrdə və Qüdsdə, xüsusilə Masafer Yatta və Əl-Əğvar bölgələrində fasiləsiz olaraq davam edir.”