Azərbaycan News Agency

Nazirliyin açıqlamasına görə, Əraqçi Hindistanın Xarici İşlər naziri Subrahmanyam Caişankar ilə telefonla danışıb.

Caişankar söhbət zamanı İsrailin hücumlarından sonra Hindistan hökumətinin və xalqının İran hökumətinə və xalqına dərin başsağlığı verdiyini bildirib.

Misirin Xarici İşlər naziri Bədr Əbdülati telefon danışığında İsrailin İran İslam Respublikasına qarşı hərbi hücumlarını qınayıb.

Əbdülati bu hücumların bölgədə təhlükəli gərginlik yaratdığını, beynəlxalq hüququn və BMT Nizamnaməsinin açıq şəkildə pozulduğunu və bunun regional və beynəlxalq təhlükəsizliyə təhdid olduğunu bildirib.

Cənubi Kipr Rum İdarəsinin Xarici İşlər naziri Konstantinos Kombos da Əraqçi ilə telefon danışığı aparıb.

Kombos İsrailin hücumlarını qınayıb və bölgədə gərginliyin artmasının qarşısını almaq üçün təmkin və diplomatiyadan istifadə olunmasına çağırıb.

Pakistanın Baş nazir müavini və Xarici İşlər naziri Məhəmməd İshaq Dar Əraqçi ilə telefon danışığında İsrailin İranı hədəf alan hücumlarını sərt şəkildə qınayıb.

Dar Pakistan hökumətinin və xalqının İranla həmrəy olduğunu təkrar edib və İsrailin bu cür təcavüzkar addımlarının bölgədə sabitliyə təhlükə yaratdığını bildirib.

Əraqçi ilə telefon danışığında BƏƏ-nin Xarici İşlər naziri Şeyx Abdullah Bin Zayed Əl Nəhyan İsrailin hücumlarını sərt tənqid edib, bu hücumları İranın suverenliyinə, beynəlxalq hüquqa və BMT Nizamnaməsinə açıq pozuntu adlandırıb.

Britaniyanın Xarici İşlər naziri David Lammy İranlı həmkarı Əraqçi ilə İsrailin təcavüzkar hərəkətlərinə dair son inkişafları müzakirə edib.

Lammy bölgədə artan gərginlikdən narahat olduğunu bildirib və bütün tərəflərin təmkin göstərərək diplomatik yolla həll yolunu seçməsini ümid etdiyini deyib.

Əraqçi, diplomatik məsləhətləşmələr çərçivəsində Avstraliyalı həmkarı Penny Wong ilə də telefon danışığı aparıb.

Əraqçi İsrailin İranın hərbi və nüvə obyektlərini hədəf alan hücumlarının miqyasını izah edib və bu siyasətlərin nəticələri barədə xəbərdarlıq edib. Wong bu hadisələrin bölgədəki sabitliyi daha da poza biləcəyini vurğulayıb.