Azərbaycan News Agency

Görüşdə Qəzza və Yəmən başda olmaqla regional hadisələr müzakirə olunub. Əraqçi beynəlxalq ictimaiyyətin atəşkəsi pozan İsrail hücumlarının dayandırılması üçün məsuliyyət daşımalı olduğunu vurğulayıb və Qəzza xalqına humanitar yardımın çatdırılmasının vacibliyinə diqqət çəkib.

O, həmçinin Yəməndəki vəziyyəti gündəmə gətirərək, İsrailin aqressiv mövqeyini pisləyib. İranlı nazir Yəməndə sabitliyin təmin olunması və regional təhlükəsizliyin qorunması üçün BMT ilə əməkdaşlığın davam etdirilməsinin vacibliyini qeyd edib.

BMT baş katibi Quterreş isə İranın diplomatik səylərinə görə təşəkkür edib və Yəmən və bütövlükdə regionda sabitlik və təhlükəsizliyin təmin olunması üçün dialoqun və diplomatik təşəbbüslərin davam etdirilməsinə çağırıb.