Azərbaycan News Agency

İsrail Müdafiə Qüvvələri və İsrailin daxili kəşfiyyat xidməti Şin Betin birgə açıqlamasına görə, yaxın vaxtlarda Fələstin İslami Müqavimət Hərəkatının yüksək vəzifəli rəhbərlərinə qarşı hədəfli hava hücumu həyata keçirilib.

Açıqlamada bildirilirdi ki, hədəfə alınan rəhbərlər təşkilatın illərlə davam edən terror fəaliyyətlərini idarə ediblər, 7 oktyabr qətliamının planlaşdırılması və həyata keçirilməsinə birbaşa cavabdeh olublar və İsrailə qarşı aparılan müharibənin rəhbərliyini öz üzərlərinə götürüblər.

IDF vurğulayıb ki, hücumdan əvvəl mülki şəxslərə zərərin minimuma endirilməsi məqsədilə əlavə kəşfiyyat toplanıb və yüksək dəqiqlikli sursatlardan istifadə olunub.

Al Jazeera-nın xəbərində isə qeyd olunurdu ki, Qətərin paytaxtı Dohada müşahidə edilən və eşidilən partlayışlar, Fələstin İslami Müqavimət Hərəkatının liderlərinə və qrupun yüksək vəzifəli nümayəndələrinə qarşı sui-qəsd cəhdinin nəticəsi olub.

Açıqlamada bu hadisənin, İsrail ilə Fələstin İslami Müqavimət Hərəkatı arasındakı atəşkəs danışıqlarında əsas vasitəçi olan Qətərə İsrailin endirdiyi ilk hücum olduğu vurğulanıb.