Azərbaycan News Agency

İsrail Baş Nazirliyinin yaydığı açıqlamada deyilir ki, Netanyahunun tapşırığı ilə beynəlxalq yardımların təşviqi məqsədilə Milli Təhlükəsizlik Şurası vəziyyətin qiymətləndirilməsini həyata keçirib.

Açıqlamada qeyd edilir ki, İsrail Xarici İşlər Nazirliyinin rəhbərliyi ilə İtaliya və Şimali Makedoniyadan üç Canadair yanğınsöndürmə təyyarəsinin ən qısa zamanda İsrailə gəlməsi barədə razılıq əldə olunub.

Xarici işlər naziri Gideon Saar isə son saatlarda Argentina, Fransa, İtaliya, Böyük Britaniya, İspaniya, Portuqaliya, Çexiya, İsveç, Xorvatiya, Yunanıstan, Kipr, Azərbaycan və Şimali Makedoniyadan həmkarları ilə Qüds yaxınlığındakı meşə yanğınları ilə mübarizə üçün hava yardımı tələb etmək məqsədilə bir sıra telefon danışığı apardığını bildirib.

Saar yanğınla mübarizə üçün yardım söz verən bütün ölkələrə və hazırda böyük istəklə müraciətləri nəzərdən keçirənlərə təşəkkürünü bildirib: “İsrail ehtiyac anında onun yanında olan əsl dostlara sahib olduğu üçün xoşbəxtdir. Yardım təklif edən hər kəsə təşəkkür edirik.”