Azərbaycan News Agency

Görüşlər barədə açıqlama verən Makron, Ukraynaya dəstəyin qətiyyətlə davam etdiyini vurğulayıb.

O, “Könüllülər Koalisiyası” çərçivəsində görülən işlər əsasında qurulan əməkdaşlığın birlik ruhu ilə davam etdiyini bildirərək deyib: “Ukraynanın gələcəyi, artıq üç ildən çoxdur ki, azadlığı və təhlükəsizliyi uğrunda mübarizə aparan ukraynalılar olmadan müəyyən edilə bilməz.”

Makron qeyd edib ki, Avropanın təhlükəsizliyi də bu prosesin bir hissəsidir və Avropa ölkələri həllin ayrılmaz tərkib hissəsidir.

Fransa Prezidenti əlavə edib ki, Ukraynaya dəstək məsələsində Prezident Zelenski və Avropadakı tərəfdaşlarla sıx koordinasiyanı davam etdirəcək.