Azərbaycan News Agency

Fransa Prezidenti Emmanuel Makron 8 avqust tarixində Vaşinqtondakı görüşdən sonra Ermənistanın Baş naziri Nikol Paşinyanla telefon danışığı aparıb.

Görüş zamanı Fransa, Ermənistan və Azərbaycan arasında ABŞ-ın vasitəçiliyi ilə əldə olunmuş, münasibətlərin normallaşdırılmasına yönəlmiş razılaşmanı alqışlayıb.

Makron bu razılaşmanın tərəflərin maraqlarına hörmət göstərilməklə sülh müqaviləsinin tezliklə imzalanması və ratifikasiya olunması üçün zəmin yaradacağına ümid etdiyini bildirib.

O əlavə edib: “Mən Ermənistanın suverenliyinə və ərazi bütövlüyünə hörmət olunmasına, habelə Fransanın Cənubi Qafqazda sülh və rifaha sadiqliyinə tam dəstəyimi bir daha təsdiqlədim. Biz bütün regional aktorlar və tərəfdaşlarla əməkdaşlıq şəraitində, əlaqələrin gücləndirilməsi sahəsi də daxil olmaqla, davam edən səylərə dəstək verməyə və töhfə verməyə hazırıq.”

Makron və Paşinyan, 14 iyul tarixində Parisə edilən səfərin davamı olaraq, iki ölkə arasındakı ikitərəfli münasibətlərin bütün sahələrdə davamlı olaraq dərinləşdirilməsi barədə razılığa gəliblər.