Azərbaycan News Agency

Kansler Mers qeyd edib ki, Almaniya ilə Birləşmiş Krallıq arasındakı dostluq üçün bu, tarixi bir gündür.

Azadlıq, təhlükəsizlik və rifahı təmin etmək istədiklərini vurğulayan Mers deyib: “Xüsusilə gənc nəslin ölkələrimizi daha yaxşı tanıya bilməsi üçün çalışırıq. Bu dostluq sazişi də məhz bunu ifadə edir.”

Böyük Britaniyanın baş naziri Keir Starmer isə Almaniyanın kiçik qayıqların tədarükünü əngəlləmək üçün qanunlarını dəyişməyə razı olduğunu bildirib.

Starmer əlavə edib ki, beynəlxalq tərəfdaşlarla əməkdaşlıq Britaniya xalqı üçün nəticə verir: “İnsan alveri şəbəkələrini dağıdacağıq və sərhədlərimizi qoruyacağıq.”