Azərbaycan News Agency

Prezident Zelenski bildirib ki, Ukrayna hökuməti yenilənib və bu gündən etibarən məmurlar müəyyən olunmuş vəzifələri yerinə yetirməyə başlamalıdır.

Baş nazir, baş nazir müavinləri və nazir namizədlərini dəstəkləyən bütün millət vəkillərinə təşəkkür edən Zelenski, sabah təhlükəsizlik sektorunun yenidən qurulmasına davam edəcəklərini bildirib.

O əlavə edib ki, bazar ertəsi Ukraynanın diplomatik heyəti yenilənəcək: “Bazar ertəsi Ukraynanın diplomatik heyətini yeniləyəcəyik — Xarici İşlər Naziri ilə birlikdə müvafiq dəyişiklikləri hazırlayırıq.”

Zelenski həmçinin bildirib ki, Milli Təhlükəsizlik və Müdafiə Şurasının növbəti iki iclasının gündəliyi artıq müəyyən olunub: “Hər gün Ukrayna üçün nəticə verməlidir.”