Azərbaycan News Agency

The Independent qəzetinin məlumatına görə, Londona uçan və içində 242-yə qədər sərnişin olan Air India təyyarəsi Əhmədabad Hava Limanı yaxınlığında havaya qalxdıqdan bir qədər sonra alova bürünərək qəzaya uğrayıb.

CNN-in məlumatına görə, Hindistan mediası cümə axşamı ölkənin qərbində yerləşən Əhmədabad şəhərində bir sərnişin təyyarəsinin hava limanında qəzaya uğradığını bildirib.

Hadisə yerindən çəkilmiş görüntülərdə səma istiqamətində qalxan qalın qara tüstü görünür.

Naidu hadisə ilə bağlı dərin kədərini ifadə edib.

O bildirib ki, ən yüksək xəbərdarlıq səviyyəsinə keçilib: “Vəziyyəti şəxsən yaxından izləyirəm və bütün aviasiya və fövqəladə yardım xidmətlərinə sürətli və koordinasiyalı şəkildə hərəkət etmələri barədə göstəriş vermişəm.”

Naidu əlavə edib ki, xilasetmə qrupları hadisə yerinə göndərilib və tibbi yardım ilə digər dəstəyin tez bir zamanda çatdırılması üçün bütün imkanlar səfərbər edilib.