Niderland Baş naziri Sxof: Ukraynaya dəstək fasiləsiz davam edəcək
Amsterdam, 10 iyul (Hibya) – Niderlandın Baş naziri Dik Sxof bildirib ki, Rusiyanın Ukraynada mülki hədəflərə qarşı genişmiqyaslı hücumlarını davam etdirməsi səbəbindən Ukraynaya dəstək həyati əhəmiyyət daşıyır.
Sxof, ölkəsinin Ukraynaya hərbi, siyasi və maliyyə sahələrində fasiləsiz dəstək göstərməyə davam edəcəyini vurğulayıb.
Baş nazir Sxof bildirib ki, yaxın dövrdə Ukraynaya göstəriləcək ümumi dəstək 3,5 milyard avro təşkil edəcək və bu vəsaitin böyük hissəsi hava hücumundan müdafiə sistemləri kimi hərbi yardımlardan ibarət olacaq. O, həmçinin enerji infrastrukturu, içməli su sistemləri və səhiyyə xidmətləri kimi sahələrə də maliyyə vəsaitinin ayrıldığını qeyd edib.
Sxof konfrans çərçivəsində Ukrayna Prezidenti Volodimir Zelenski ilə yanaşı, digər ölkə liderləri ilə də Ukraynaya dəstəyin əhəmiyyəti barədə müzakirələr aparıb.
Azərbaycan İnformasiya Agentliyi
Facebook
Tweeter
Whatsapp
