Azərbaycan News Agency

ABŞ, əvvəllər süni intellekt (AI) kimi sahələrdə istifadə olunan güclü çiplərin satışını, adətən milli təhlükəsizlik narahatlıqları ilə əlaqədar ixrac nəzarəti çərçivəsində Çinə qadağan etmişdi.

Təhlükəsizlik üzrə ekspertlər, o cümlədən Prezident Donald Trampın ilk dönəmində vəzifə tutmuş şəxslər, yaxın zamanda onun administrasiyasına məktub yazaraq Nvidia-nın H20 çipinin Çinin süni intellekt imkanlarının “güclü sürətləndiricisi” olduğu barədə “dərin narahatlıqlarını” bildiriblər.

Bazar ertəsi Tramp təhlükəsizlik narahatlıqlarını rədd edərək, sözügedən çipin “köhnə” olduğunu deyib.

Razılaşmaya əsasən, Nvidia Çindəki H20 çip satışlarından əldə etdiyi gəlirin 15 faizini ABŞ hökumətinə ödəyəcək.

AMD də Çindəki MI308 çip satışlarından əldə etdiyi gəlirin 15 faizini Tramp administrasiyasına ödəyəcək. Bu xəbəri ilk dəfə Financial Times yayıb.

Nvidia BBC-yə bildirib: “ABŞ hökumətinin dünya bazarlarında iştirakımız üçün müəyyən etdiyi qaydalara əməl edirik.”

Şirkət əlavə edib: “Biz aylarla H20-ni Çinə göndərmirik, lakin ixrac nəzarəti qaydalarının Amerikanın Çinlə və dünya bazarlarında rəqabət aparmasına imkan verəcəyinə ümid edirik.”

AMD, şərh sorğusuna dərhal cavab verməyib.

Razılaşma ABŞ-da təəccüb və narahatlıq yaradıb. Tənqidçilər bildiriblər ki, bu, təhlükəsizlik risklərini artırır və Tramp administrasiyasının özəl şirkətlərlə münasibətlərinə yanaşması ilə bağlı suallar doğurur.