Azərbaycan News Agency

Pakistanın baş nazir müavini və xarici işlər naziri senator Məhəmməd İshaq Dar, Avropa İttifaqının xarici əlaqələr və təhlükəsizlik siyasəti üzrə ali nümayəndəsi və Avropa Komissiyasının sədr müavini Kaya Kallas ilə telefonla danışıb.

Tərəflər Pakistan–Aİ münasibətlərində tez-tez keçirilən yüksək səviyyəli görüşlərdən və müsbət dinamizmdən məmnunluq ifadə edərək, noyabr ayında Brüsseldə keçiriləcək Pakistan–Aİ Strateji Dialoqu da daxil olmaqla, ikitərəfli və çoxtərəfli formatlarda əməkdaşlığın davam edəcəyinə ümid etdiklərini bildiriblər.

Bundan əlavə, tərəflər son regional və qlobal hadisələr barədə fikir mübadiləsi aparıblar.