Azərbaycan News Agency

Çərşənbə günü CNN-ə verdiyi müsahibədə Məhəmməd bin Əbdürrahman bin Casim Əl-Tani Qətərin paytaxtında baş verən ölümcül hücumu "dövlət terroru" adlandırıb. İsrailin əvvəlki günki hücumu nəticəsində ABŞ və digər Körfəz ölkələrinin vasitəçiliyi ilə atəşkəs sazişini müzakirə edən altı HƏMAS üzvü həlak olub.

Əl-Tani İsrail baş naziri barədə deyib: "O, ədalət qarşısına çıxarılmalıdır".

Netanyahu, Ağ Evin Qətərdəki "təktərəfli bombardmanın" "nə İsrailin, nə də Amerikanın məqsədlərinə nail olmadığını" bildirən açıqlaması da daxil olmaqla, hücuma beynəlxalq tənqidlərə meydan oxuyaraq cavab verib.

Netanyahu video bəyanatında Qətəri terrorçuları gizlətməkdə günahlandırıb və gələcəkdə hücumları davam etdirmək hüququnu özündə saxladığını bildirib. O deyib: "Qətərə və terrorçuları gizlədən bütün ölkələrə səslənirəm: Ya onları deportasiya edin, ya da ədalətə təhvil verin. Çünki əgər siz etməsəniz, biz edəcəyik".

Əl-Tani Netanyahunu İsrail və HƏMAS arasında danışıqlara ev sahibliyi etməklə Qətərin vaxtını "boşa xərcləməkdə" günahlandırıb və ölkəsinin münaqişədəki vasitəçi roluna dair "hər şeyi" yenidən nəzərdən keçirəcəyini deyib.

Əl-Tani əlavə edib: "Hücum səhəri mən girovlardan birinin ailəsi ilə danışırdım. Onlar bu atəşkəs vasitəçiliyinə inanırdılar, başqa ümidləri yox idi".