Qətər XİN rəhbəri Əl Sani Səudiyyə Ərəbistanı XİN rəhbəri Əl Səud ilə danışdı
Doha, 13 iyun (Hibya) – Qətər Baş naziri və xarici işlər naziri Şeyx Məhəmməd bin Əbdürrəhman bin Casim Əl Sani, Səudiyyə Ərəbistanının xarici işlər naziri Şahzadə Feysəl bin Fərhan bin Abdullah Əl Səud ilə telefon danışığı aparıb.
Danışıq zamanı ikitərəfli əməkdaşlıq və onu dəstəkləmək və gücləndirmək yolları, eləcə də İsrailin İran İslam Respublikasının ərazisinə hücumu daxil olmaqla, son regional hadisələr müzakirə olunub.
Qətər XİN rəhbəri İsrailin İran ərazisinə hücumunu kəskin şəkildə qınayaraq, bu hücumu İranın suverenliyi və təhlükəsizliyinin, həmçinin beynəlxalq hüququn qanun və prinsiplərinin açıq-aşkar pozulması adlandırıb.
Əl Sani həmçinin, bu təhlükəli gərginliyin regional təhlükəsizlik və sabitlik üçün təhdid olduğunu və gərginliyin azaldılması və dialoqla, sülh yolu ilə həllinə yönəlmiş diplomatik səyləri sarsıtdığını bildirərək Qətərin dərin narahatlığını ifadə edib.
Azərbaycan İnformasiya Agentliyi
Facebook
Tweeter
Whatsapp
