Azərbaycan News Agency

Netanyahu bildirib ki, onlar tarixdəki ən böyük hərbi əməliyyatlardan biri olan "Yüksələn Aslan" əməliyyatının ortasındadırlar.

İranın 50 ildir İsrail dövlətini məhv etməklə hədələdiyini vurğulayan Netanyahu deyib: “Əməliyyatımızın məqsədi İslam rejiminin bizə qarşı nüvə və ballistik raket təhdidinin qarşısını almaqdır. Biz məqsədimizə çatarkən İran xalqının azadlığına gedən yolu da açırıq.”

O bildirib ki, son 24 saat ərzində yüksək rütbəli hərbi komandirlər, nüfuzlu nüvə alimləri, rejimin əsas zənginləşdirmə obyekti və ballistik raket arsenalının böyük hissəsi məhv edilib. “Daha çoxu gəlir. Rejim başlarına nə gəldiyini və gələcəyini bilmir. İran heç vaxt bu qədər zəif olmayıb. Bu, xalqın ayağa qalxması və səsini ucaltması üçün fürsətdir. Qadın, Həyat, Azadlıq – Zan, Zendegi, Azadi.”

Netanyahu vurğulayıb ki, İsrailin mübarizəsi İran xalqına qarşı deyil: “Bizim mübarizəmiz sizi əzən və kasıbladan qatil İslam rejiminə qarşıdır. İran və İsrail xalqları Böyük Kir dövründən bəri dost olublar. İran xalqının azadlığı uğrunda bayraq və tarixi miras ətrafında birləşməsinin zamanı gəlib.”