Azərbaycan News Agency

BMT Baş katibi Quterreş İsraillə İran arasında artmaqda olan hərbi eskalasiyadan dərin narahatlığını ifadə edib. Atəşkəslə nəticələnəcək gərginliyin azaldılmasına çağırışını təkrarlayaraq deyib: "Hamını münaqişənin daha da beynəlmiləlləşməsinin qarşısını almağa çağırıram. Hər hansı əlavə hərbi müdaxilə təkcə iştirakçılar üçün deyil, bütün region və ümumilikdə beynəlxalq sülh və təhlükəsizlik üçün ciddi nəticələr doğura bilər."

Sivillərin həlak olması və yaralanmaları, evlərin və mühüm mülki infrastrukturun zərər görməsini qınayan Quterreş əlavə edib: "İranın nüvə proqramı və regional təhlükəsizliklə bağlı narahatlıqların həllində diplomatiya ən yaxşı və yeganə yoldur. BMT Nizamnaməsi insanlığı müharibə bəlasından xilas etmək üçün ümumi çərçivəmiz olaraq qalır."