Azərbaycan News Agency

Fed-in verdiyi açıqlamada, xalis ixracdakı dalğalanmaların məlumatlara təsir etsə də, son göstəricilərin iqtisadi fəaliyyətin möhkəm sürətlə artmağa davam etdiyini göstərdiyi bildirildi. İşsizlik səviyyəsinin aşağı olaraq qalmağa davam etdiyi və əmək bazarının sabit olduğu vurğulandı, "İnflyasiya bir qədər artmışdır." ifadəsi yer aldı.

Bəyanatda Komitənin uzunmüddətli məqsədinin maksimum məşğulluq və 2% inflyasiya əldə etmək olduğu vurğulanaraq, "İqtisadi perspektivlə bağlı qeyri-müəyyənlik azalıb, lakin hələ də yüksək olaraq qalır. Komitə öz ikili missiyasının hər iki tərəfi üzrə risklərə diqqət yetirir." deyildi.

Bəyanatda həmçinin bunlar qeyd olundu:

"Komitə öz hədəflərini dəstəkləmək üçün federal fondlar üzrə faiz dərəcəsi aralığını 4,25%-ə qədər qorumağa qərar verdi. Əlavə tənzimləmələrin miqyasını və vaxtını nəzərə alaraq, Komitə daxil olan məlumatları, dəyişən perspektivləri və risk balansını diqqətlə qiymətləndirəcək. Komitə xəzinə istiqrazları, agentlik borc kağızları və ipoteka ilə təmin olunmuş qiymətli kağızlardakı aktivlərini azaltmağa davam edəcək. Komitə maksimum məşğulluğu dəstəkləməyə və inflyasiyanı 2% hədəfinə qaytarmağa sadiqdir."

"Pul siyasətinin uyğun mövqeyini qiymətləndirərkən, Komitə daxil olan məlumatların iqtisadi perspektivə təsirini izləməyə davam edəcək. Əgər məqsədlərə çatmağa mane ola biləcək risklər ortaya çıxarsa, Komitə pul siyasətində müvafiq düzəlişlər etməyə hazır olacaq. Qiymətləndirmələr əmək bazarının vəziyyəti, inflyasiya təzyiqləri və gözləntiləri, maliyyə və beynəlxalq hadisələr daxil olmaqla geniş məlumat spektrini əhatə edəcək."