Azərbaycan News Agency

Rubio qeyd edib ki, Rusiyanın Ukraynaya qarşı müharibəsi dördüncü ilinə daxil olarkən, ABŞ prezidenti "müharibəni bitirmək üçün mümkün olan hər şeyi etməyə çalışır".

Dövlət katibi əlavə edib: "Prezident Putinə bir neçə dəfə telefonla zəng edib və yəqin ki, gələn həftə Nyu-Yorkda Zelenski ilə yenidən görüşəcək".

Tramp və Zelenski sonuncu dəfə avqustun 18-də Avropa liderlərinin də iştirakı ilə Vaşinqtonda görüşüblər.

Görüşlərdən sonra ABŞ prezidenti bildirib ki, Ağ Evin başladığı diplomatik səylərin növbəti mərhələsi Zelenski ilə Putin arasında ikitərəfli formatda və ya Donald Trampın iştirakı ilə birbaşa danışıqlar olmalıdır.

Lakin Kreml Ukrayna prezidenti ilə görüşmək istəkləri nümayiş etdirmədi, əvəzində Zelenskini Moskvaya dəvət etdi və digər görüşləri rədd etdi.

Kiyev Moskvada görüş təklifini rədd etdi və daha sonra Putin Rusiyanın işğalı altındakı Ukrayna torpaqları ilə bağlı bir razılaşmanın "mümkün olmadığını" söylədi.

Ukrayna və Rusiya prezidentləri arasında görüşün hələ gündəmdə olub-olmaması sualına cavab olaraq, Tramp bazar günü birbaşa danışıqların "ehtimal olunmadığını" dedi.

Tramp dedi: "Zelenski ilə Putin arasındakı nifrət təsəvvür olunmazdır. Düşünürəm ki, bütün söhbəti mən etməli olacağam... Onlar bir-birlərindən o qədər nifrət edirlər ki, demək olar danışa bilmirlər".