Azərbaycan News Agency

Böyük Britaniyanın Baş naziri Keir Starmer, Birləşmiş Krallıq və dünyanın hər yerindəki yəhudi icmalarını Roş Aşana bayramı münasibətilə təbrik edib.

Starmer qeyd edib ki, bu bayram ötən ili dəyərləndirməyə və gələcəyə ümid və qətiyyətlə baxmağa çağırır: “Bu, yenilənmə, ailə və inanc zamanıdır. Lakin biz bunu böyük kədər içində edirik, çünki girovlar hələ də Fələstin İslam Müqavimət Hərəkatının əlindədir. Mən bir daha sarsılmaz sülh öhdəliyimizi və hələ də amansızcasına saxlanılanların geri qaytarılmasını təsdiqləyirəm.”

Antisemitizmin və dözümsüzlüyün davam etdiyi bir dövrdə yəhudi icması ilə çiyin-çiyinə olduqlarını vurğulayan Starmer deyib: “Biz həmişə nifrətə qarşı çıxacağıq və hər zaman inklüzivlik, ləyaqət və hörmət dəyərlərini müdafiə edəcəyik. Bu yeni il sizə və sevdiklərinizə sülh, sağlamlıq və xoşbəxtlik gətirsin.”