Azərbaycan News Agency

Böyük Britaniyanın Baş naziri Starmer açıqlamasında deyib: “Prezident Trampın səyləri bizi Rusiyanın Ukraynadakı qeyri-qanuni müharibəsinə son qoymağa heç vaxt olmadığı qədər yaxınlaşdırdı.” O, qətliamı dayandırmaq yolunda liderliyinin qiymətləndirilməli olduğunu vurğulayıb və əlavə edib:

“İrəliləyiş əldə edilsə də, növbəti addım Prezident Zelenskinin iştirak etdiyi daha çox görüşlərin keçirilməsi olmalıdır. Ukraynada sülhə gedən yol onun iştirakı olmadan müəyyən edilə bilməz. Bu səhər Prezident Zelenski, Prezident Tramp və digər Avropa tərəfdaşları ilə danışdım və hamımız bu yeni mərhələni dəstəkləməyə hazırıq.”

“Mən Birləşmiş Ştatların Avropa ilə birlikdə, hər hansı bir razılaşmanın bir hissəsi olaraq, Ukraynaya möhkəm təhlükəsizlik zəmanətləri təqdim etməyə hazır olmasını alqışlayıram. Bu, irəliləyiş üçün vacibdir və Putini yenidən hücum etməkdən çəkindirməkdə həlledici rol oynayacaq.”