Starmer: Xarici cinayətkarlar indi daha tez ölkədən çıxarılacaq
London, 11 avqust (Hibya) – Böyük Britaniyanın Baş naziri Keir Starmer bildirib ki, xarici cinayətkarların uzunmüddətli apellyasiya prosesləri zamanı ölkədə qalmasına son qoyulacaq.
Starmer qeyd edib ki, xarici cinayətkarların ölkədə aylarla, hətta illərlə qalmasına imkan verən miqrasiya sistemindən sui-istifadəyə indi son veriləcək.
O, bəyanatında deyib: “Əgər xarici vətəndaşlar qanunları pozurlarsa, ilk fürsətdə deportasiya olunacaqlar”.
Baş nazir vurğulayıb ki, bu yeni yanaşma Böyük Britaniyanın miqrasiya sistemindəki boşluqları bağlamağa və ictimai təhlükəsizliyi artırmağa yönəlib.
Azərbaycan İnformasiya Agentliyi
Facebook
Tweeter
Whatsapp
