Azərbaycan News Agency

Ağ Evdə keçirdiyi mətbuat konfransında Tramp deyib: “Rusiya Ukraynanın böyük bir hissəsini işğal edib. Onlar mühüm əraziləri ələ keçiriblər. Biz bu torpaqların bir qismini Ukraynaya qaytarmağa çalışacağıq.”

ABŞ Prezidenti və Rusiya Prezidenti həftəsonu Alyaskada görüşəcəklər. Tramp iddia edib ki, Putinlə görüşün başlamasından cəmi iki dəqiqə sonra irəliləyişin olub-olmadığını bilə biləcək.

Trampın sözlərinə görə, cümə günü Putinlə müharibəni bitirməyə çağırmaq məqsədilə “sınaq görüşü” keçiriləcək və o, bu sammiti yalnız ilk görüş kimi görə biləcəyini bildirib.

Tramp yenidən xəbərdarlıq edib ki, Rusiya və Ukrayna arasında “bəzi torpaq mübadilələri, sərhəd dəyişiklikləri” ola bilər.

Bu, Trampın “torpaq mübadiləsi” ifadəsini ilk işlətməsi deyil, lakin Rusiyanın Ukraynaya hansı əraziləri verə biləcəyi hələ məlum deyil.