Azərbaycan News Agency

Zelenski Ukraynanın müdafiə naziri Rüstəm Umerov ilə görüş keçirdiyini açıqlayıb.

O bildirib ki, təkcə ötən gecə ruslar Ukraynaya qarşı 100-dən çox hücum pilotsuz uçuş aparatı və 23 müxtəlif tipli, o cümlədən ballistik raketlərdən istifadə ediblər: “Hər gecə, hər gün Ukraynada həyat üçün böyük təhlükə yaradır. Hava hücumundan müdafiəmizi gücləndirməliyik.”

Zelenski əlavə edib ki, bu günkü Rusiya hücumu Qara dənizdən buraxılan raketləri də əhatə edib:

“Tərəfdaşlarımız bu raketlərin hansı gəmilərdən və dənizin hansı hissəsindən buraxıldığını bilirlər. Rusiyanın diplomatiyanı təhrif etməsinin və qeyd-şərtsiz atəşkəsi qəbul etməməsinin səbəblərindən biri də budur – onlar dənizdən şəhərlərimizə və limanlarımıza hücum imkanını saxlamaq istəyirlər. Putin müharibəni bitirmək istəmir; o, hər an daha böyük güclə yenidən başlamaq üçün yollar axtarır.”