ÜST Baş direktoru Qebreyesus: Səhiyyə xidmətləri heç vaxt hədəf olmamalıdır
Cenevrə, 23 iyul (Hibya) – Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Suriyada, xüsusilə Süveyda bölgəsində səhiyyə xidmətlərinə çıxış böhranını və hücumları pisləyərək səhiyyə xidmətlərinin hər şəraitdə qorunmasının vacibliyini vurğulayıb.
Qebreyesus bildirib ki, Suriyada davam edən münaqişələr səhiyyə sisteminə ciddi zərər vurub.
O qeyd edib ki, Süveyda bölgəsinə giriş ciddi şəkildə məhdudlaşdırılıb və bu, həyati vacib yardımın çatdırılmasını çətinləşdirir.
Əsas xəstəxananın personal, elektrik və avadanlıq çatışmazlığı səbəbindən gücündən artıq fəaliyyət göstərdiyini bildirən Qebreyesus, səhiyyə işçilərinə, xəstələrə, təcili yardım maşınlarına və səhiyyə müəssisələrinə edilən hücumların diqqətlə izlənildiyini söyləyib.
Baş direktor səhiyyə xidmətlərinə qarşı hücumların təsdiqlənməsi üçün araşdırmaların davam etdiyini bildirərək, “Səhiyyə xidmətləri heç vaxt hədəf olmamalı və daim qorunmalıdır” deyib.
Azərbaycan İnformasiya Agentliyi
Facebook
Tweeter
Whatsapp
