Yermak: Hər bir uşağı evinə qaytarmaq üçün çalışırıq
Kiyev, 11 avqust (Hibya) – Ukrayna Prezident Administrasiyasının rəhbəri Andriy Yermak bildirib ki, Rusiya tərəfindən işğal olunmuş ərazidə zorla Rusiyadakı uşaq evinə göndərilmək təhlükəsi ilə üzləşən 14 yaşlı qız, Ukrayna Uşaq Hüquqları Şəbəkəsinin səyləri nəticəsində təhlükəsiz şəkildə təxliyə edilərək ailəsinə qovuşdurulub.
Yermakın sözlərinə görə, Rusiya işğalı altındakı torpaqlarda 14 yaşlı qızı rus işğalçıları zorla Rusiyadakı uşaq evinə göndərmək istəyiblər. “Onun atası Ukrayna əsgəri idi və həlak olduqdan sonra uşaq işğal olunmuş ərazidə qohumları ilə qalıb. Rusiya uşaq müdafiə orqanları ailəyə təzyiq göstərərək uşağı zorla alacaqları ilə hədələyiblər,” – deyə o bildirib.
Ukrayna Prezidenti Volodimir Zelenskinin “brigkinsback” təşəbbüsü çərçivəsində, Ukrayna Uşaq Hüquqları Şəbəkəsinin komandası bir gün ərzində bütün sənədləri hazırlayıb, təxliyə marşrutunu təşkil edib və qızı Ukrayna nəzarətindəki əraziyə təhlükəsiz şəkildə gətirib.
Yermak əlavə edib: “Hazırda uşaq illərlə onu gözləyən nənəsi ilə qovuşub və uyğunlaşma və bərpa prosesi üçün lazım olan dəstəyi alır.”
Azərbaycan İnformasiya Agentliyi
Facebook
Tweeter
Whatsapp
