Azərbaycan News Agency

İsveçrəyə səfəri çərçivəsində Yermak, İsveçrə Xarici İşlər Nazirliyinin Beynəlxalq Təhlükəsizlik İdarəsinin direktoru Qabriel Lyuxinger və İsveçrə Konfederasiyasının vitse-prezidenti və iqtisadiyyat naziri Qay Parmelinlə görüşüb.

Görüşlərdə cəbhədəki son vəziyyət, Rusiyanın sülh danışıqlarına məcbur edilməsinə yönəlmiş beynəlxalq səylər və iki ölkə arasındakı əməkdaşlıq məsələləri müzakirə olunub. Yermak deyib: “Avropada davamlı sülhün əldə edilməsinə dəstək verməyə hazır olan İsveçrəyə minnətdarıq. Xüsusilə 2024-cü ildə Qlobal Sülh Sammitinə ev sahibliyi etməklə bu sahədə yaxşı təcrübəyə malikik.”

O, həmçinin müharibənin əvvəlindən bəri Ukraynaya təxminən 1,5 milyard dollarlıq humanitar və maliyyə yardımı göstərdiyinə görə İsveçrəyə təşəkkür edib və Rusiyanın oğurladığı ukraynalı uşaqların geri qaytarılması üçün birgə səylərin gücləndirilməsinə çağırıb.