Azərbaycan News Agency

Görüşdə iki ölkə arasında hava hücumundan müdafiə sahəsində əməkdaşlığın gücləndirilməsi və yaxınlaşan “İstək Koalisiyası” toplantısı öncəsi atılacaq addımlar müzakirə olunub.

Zelenski görüş zamanı Rusiyanın Ukraynanın enerji infrastrukturuna hücumlarının nəticələri, bərpa işləri və şəhərlərdə enerji təchizatının təmin edilməsi üçün lazım olan dəstək barədə məlumat verib. O, Almaniyanın bu sahədə həm avadanlıq, həm də maliyyə yardımı baxımından liderliyinə güvəndiyini bildirib.

Ukrayna lideri, hava hücumundan müdafiə imkanlarının artırılmasına dair yeni qərarların əhəmiyyətini vurğulayıb və Almaniyanın bu istiqamətdəki mühüm töhfələrinə görə təşəkkür edib.

Görüşdə, dondurulmuş Rusiya aktivlərinin Ukraynanın müdafiəsi üçün istifadəsinə dair mexanizm də müzakirə olunub. Zelenski bu prosesdə Almaniyanın dəstəyinin həyati əhəmiyyət kəsb etdiyini qeyd edib.