Azərbaycan News Agency

Zelenski bildirib ki, o, Umerov və Yermakla birlikdə danışıqlar prosesini, xüsusilə İstanbulda Rusiya tərəfi ilə əldə edilmiş razılaşmaların həyata keçirilməsini və yeni görüşə hazırlıqları müzakirə ediblər.

Zelenski qeyd edib ki, əsas məsələlərdən biri müharibə əsirlərinin dəyişdirilməsinin davam etdirilməsi olub:

"1.200 nəfərin dəyişdirilməsi ilə bağlı razılıq var və siyahılar üzərində işlər davam edir. Milli Təhlükəsizlik və Müdafiə Şurasının katibi Rusiya nümayəndəsi ilə aparılan əlaqə barədə məlumat verdi. Eyni zamanda mülki vətəndaşlarımızın geri qaytarılmasına mane olan amillərin aradan qaldırılması üzərində işləyirik və hər bir şəxsə dair məlumatları dəqiqləşdiririk."