Azərbaycan News Agency

Zelenski qeyd edib ki, “İstəkli Ölkələr Koalisiyası” toplantısından əvvəl o, Keir Starmer, Mette Frederiksen, Dick Schoof, Mark Rutte və Emmanuel Macron ilə onlayn görüş keçirib və Ukraynanın müdafiə imkanlarını gücləndirmək, kritik enerji infrastrukturlarını qorumaq üçün atılacaq addımları müzakirə edib.

O əlavə edib ki, hava hücumundan müdafiəni gücləndirməklə yanaşı, PURL və SAFE təşəbbüslərinin təqdim etdiyi imkanlardan da yararlanma yolları müzakirə olunub.

Zelenski bütün ölkələrin Rusiyaya qarşı atdığı addımları yüksək qiymətləndirərək deyib: “Və indi Amerika Birləşmiş Ştatlarının daha bir mühüm qərarı var – iki böyük Rusiya neft şirkətinə qarşı sanksiyalar. Rusiya neftinə təzyiq göstərmək müharibəyə son qoymaq üçün bir vasitədir, buna əminəm.”

O vurğulayıb ki, Rusiyanın dünya bazarına çıxışı dayandırılmalıdır, çünki bu, Putini reallığa qaytaracaq və Rusiyanın hərbi maşınının maliyyə mənbələrini ciddi şəkildə azaldacaq.