Zelenski Ukraynanın hava müdafiəsini gücləndirmək üçün görüş keçirdi
Vaşinqton, 17 oktyabr (Hibya) – Ukrayna Prezidenti Volodimir Zelenski, müdafiə sənayesi sahəsində, xüsusilə Patriot sistemləri ilə tanınan Raytheon şirkətinin nümayəndələri ilə Vaşinqtonda görüşüb.
Prezident Zelenski şirkət nümayəndələrinə Ukraynadakı mövcud vəziyyət, xüsusilə döyüş meydanındakı durum haqqında məlumat verib. O bildirib ki, Rusiya məqsədlərinə çata bilmədiyi üçün mülki infrastruktura və əhaliyə qarşı hücumlarını gücləndirir. “Rusiya xüsusilə enerji sistemini hədəf alır. Hücumlar zamanı ruslar gündə 500-dən çox PUA və onlarla raket istifadə edir,” – deyə Zelenski vurğulayıb.
Raytheon nümayəndələri rus hücumlarında yaxınlarını itirən ukraynalılara başsağlığı verərək, Ukraynanı dəstəkləməyə hazır olduqlarını bildiriblər.
Zelenski Ukraynanın hava hücumundan müdafiə və raket sistemlərini gücləndirməyin vacibliyini vurğulayıb və xüsusi ehtiyaclardan danışıb.
Tərəflər Raytheon şirkətinin istehsal imkanlarını, hava müdafiəsinin gücləndirilməsi, Ukraynanın uzaqmənzilli imkanlarının artırılması və Ukrayna–ABŞ birgə istehsal perspektivlərini müzakirə ediblər.
Azərbaycan İnformasiya Agentliyi
Facebook
Tweeter
Whatsapp
