Azərbaycan News Agency

ABŞ Dövlət Departamentinin bəyanatında bildirilib ki, Amerika, Çinin Scarborough Rifində “milli təbiət qoruğu” yaratmaq planlarını rədd edir və Filippinləri dəstəkləyir.

Qeyd olunub ki, Pekinin Scarborough Rifi təbiət qoruğu elan etmək iddiası, onun Cənubi Çin dənizində qonşularının ziyanına geniş ərazi və dəniz iddialarını irəli aparmaq üçün növbəti məcburedici cəhdidir: “Bu addımlar filippinli balıqçıların həmin ənənəvi balıqçılıq ərazilərinə çıxışına mane olmaq da daxil olmaqla həyata keçirilir. Çinin Scarborough Rifindəki addımları regional sabitliyi sarsıtmağa davam edir.”

Bəyanatda əlavə edilib:

“ABŞ, Çini 2016-cı ildə Arbitraj Məhkəməsinin yekdilliklə qəbul etdiyi qərara əməl etməyə çağırır. Həmin qərar, filippinli balıqçıların Scarborough Rifində ənənəvi balıqçılıq fəaliyyəti ilə məşğul olmasının qanunsuz olaraq qarşısının alınmasını tanıyıb. Bu qərar hər iki tərəf üçün qəti və hüquqi baxımdan məcburidir.”