Azərbaycan News Agency

Atası İkinci Dünya Müharibəsi zamanı Britaniya Hərbi Hava Qüvvələrində xidmət etmiş kardinal Duka, Çex Respublikasının ən nüfuzlu dini liderlərindən biri idi. Kommunizm dövründə müxalif keşiş kimi fəaliyyət göstərmiş və sonradan dramaturq və gələcək prezident Václav Havel ilə birlikdə həbs edilmişdi.

1989-cu ildən sonra kilsənin Çex ictimai həyatında yenidən yer alması səylərində mühüm rol oynamış və 2012-ci ildə Praqa arxiyepiskopu olmuşdur. O, kommunizm dövründə müsadirə edilmiş mülklərin geri qaytarılması ilə bağlı çətin müzakirələrdə kilsəyə rəhbərlik etmişdi.

Lakin son illərdə Duka, Rusiya və müsəlman miqrasiyası kimi ictimai məsələlərdə açıq fikirlərinə görə artan tənqidlərə məruz qalmışdı. Praqa Radiosunun Beynəlxalq xidməti onu “parçalayacı, lakin həlledici kilsə lideri” kimi təsvir edib.

Keçmiş baş nazir Petr Fiala onun “totalitarizm dövründəki cəsarətinə və fəaliyyətinə hörmət etdiyini” və “demokratik cəmiyyətdə kilsənin yenilənməsindəki mühüm rolunu” yüksək qiymətləndirdiyini bildirib.

Çexiyanın yeni baş naziri, milyarder Andrej Babiş də Dukanın “illər boyu ölkəmizin mənəvi və sosial həyatının formalaşmasına töhfə verdiyini” deyərək xidmətlərinə ehtiramını bildirib.

Dukanın dəfn mərasimi 15 noyabrda keçiriləcək.