Azərbaycan News Agency

ÜST-nin açıqlamasında qeyd olunur ki, 200 çarpayılıq və 200 mindən çox insana xidmət göstərən Ma'arrat An Nu'man Milli Xəstəxanası münaqişələr nəticəsində zərər görməsi və talan olunması səbəbilə 2020-ci ildən bəri fəaliyyət göstərmir.

Bildirilir ki, geri qayıdan məcburi köçkün ailələr dağılmış şəhərlə və heç bir səhiyyə müəssisəsinin olmaması ilə üzləşirlər. “Təcili, ana və ya xroniki baxım mövcud deyil, artan səhiyyə ehtiyaclarını ödəmək üçün cəmi bir neçə mobil briqada var.”

Açıqlamada qeyd olunur ki, Gavi Fondunun dəstəyi ilə köhnə xəstəxana yerinə yaxın ərazidə yeni bir ilkin səhiyyə mərkəzi inşa olunub:

“Açıldıqdan sonra, planlı peyvəndlərə, ana sağlamlığına və əsas ambulator xidmətlərə çıxışın bərpa olunmasına kömək edəcək. Lakin ehtiyaclar hələ də davam edir.”

Bundan əlavə, ÜST xəstəxananın yenidən qurulması üçün təcili dəstək çağırışı edib.