Əraqçi İsrailin İrana qarşı hərbi təcavüzünə dair BMT-yə məktub göndərdi
Tehran, 13 iyun (Hibya) – İran İslam Respublikasının Xarici İşlər Naziri Seyyid Abbas Əraqçi İsrailin İrana hücumları ilə bağlı BMT Təhlükəsizlik Şurasının Sədri və BMT Baş katibinə məktub göndərib.
Əraqçi bu məktubu İsrailin hərbi bazalar, nüvə obyektləri və yaşayış binaları daxil olmaqla İranda həyata keçirdiyi hərbi hücumlar nəticəsində çox sayda hərbi komandirin, universitet professorunun və günahsız qadın və uşaqların şəhid olması və yaralanması səbəbilə göndərib.
O, məktubda İsrailin hücumlarının İranın BMT-nin müstəqil üzvü kimi suverenliyinin və ərazi bütövlüyünün açıq şəkildə pozulması və İrana qarşı açıq təcavüz aktı olduğunu vurğulayıb.
Əraqçi BMT Təhlükəsizlik Şurasını təcili iclasa çağıraraq deyib: “Şura BMT Nizamnaməsinə uyğun olaraq öz məsuliyyətini yerinə yetirməli, bu hücumu qətiyyətlə pisləməli və İsrail rejiminin məsuliyyətə cəlb olunması üçün dərhal konkret tədbirlər görməlidir.”
O, həmçinin İranın BMT Nizamnaməsinin 51-ci maddəsinə əsasən özünü müdafiə etmə qətiyyətini bir daha təsdiqləyib.
Azərbaycan İnformasiya Agentliyi
Facebook
Tweeter
Whatsapp
