Azərbaycan News Agency

Prezident Herzog qeyd edib ki, bu gecə elan olunan Trampın planı girovların azad olunması, İsrail sakinlərinin təhlükəsizliyinin təmin edilməsi, müharibənin sona çatdırılması və Qəzza zolağı ilə Yaxın Şərqdəki reallığın dəyişdirilməsi üçün real ümid təqdim edir və regional və beynəlxalq əməkdaşlıqda yeni bir səhifə açır.

O, planı məmnuniyyətlə qarşıladıqlarını və onun sürətlə həyata keçirilməsinə çağırdı:

“Prezident Trampa liderliyinə və İsrail Dövləti ilə yanaşı möhkəm duruşuna görə təşəkkür edirəm, Baş nazir Netanyahunu bu mühüm irəliləyiş münasibətilə təbrik edirəm və prosesə qoşularaq bölgə xalqlarına ümid gətirən bütün ölkələrə, şəxslərə və qurumlara minnətdarlığımı bildirirəm.”

Herzog əlavə edib: “İndi bütün dünya açıq və təcili bir şərt irəli sürməlidir: HƏMAS Trampın planını qəbul etməli və bölgə xalqları üçün ümid dolu bir gələcək təmin etməlidir.”