Azərbaycan News Agency

Baş nazir Kristersson bildirdi ki, Rusiya Ukraynaya 24 saat hücum edir və sonsuz iztirablara səbəb olur.

O, Rusiya iqtisadiyyatının “bərbad” vəziyyətdə olduğunu, lakin neft ixracı və kölgə donanmasının Rusiyaya müharibəni davam etdirməsi üçün lazım olan gəliri təmin etdiyini vurğuladı: “Ukrayna təsirli qabiliyyətlə və demək olar ki, bütün Avropanın dəstəyi ilə özünü müdafiə edir. Ukraynanın Rusiya neft kəmərlərinə uğurlu hücumlarından sonra isə Macarıstanın xarici işlər naziri belə cavab verir: ‘Ukrayna bizi müharibəyə sürükləmək istəyir’.”

Kristersson xatırladıb ki, 1956-cı ildə Macarıstan Rus və Sovet təzyiqindən qurtulmağa çalışanda onların yanında olublar və əlavə edib:

“2004-cü ildə isə Aİ-yə qoşulmaq istəyəndə biz yanında idik. Macarıstanın bunun müqabilində yeganə mükafatı isə Avropa demokratiyası ölüm-dirim mübarizəsi apararkən Rusiyanın yanında yer almasıdır. Macarıstan tarixin səhv tərəfində dayanır.”