Azərbaycan News Agency

UNRWA-nın açıqlamasında BMT məlumatlarına əsasən, 12–20 avqust tarixləri arasında İsrailin Qəzza şəhərində intensivləşdirilmiş hərbi əməliyyatları nəticəsində 16 mindən çox insan evlərini tərk etməyə məcbur olub.

Bildirilib ki, ailələr demək olar 6 aydır Qəzzaya yeni sığınacaq materiallarının daxil olmasına icazə verilmədiyi üçün özləri ilə çadır gətirmək məcburiyyətində qalıblar. Bu çadırlar artıq həddindən artıq dolu olan və sığınacağa çevrilmiş UNRWA məktəblərində qurulub.

Açıqlamada qeyd olunub ki, İsrailin hərbi əməliyyatları gücləndikcə daha çox insan köçkün düşəcək: “Qəzzada təhlükəsiz yer yoxdur.”