Azərbaycan News Agency

Fransa Prezidenti Emmanuel Makron İran Prezidenti Məsud Pəzeşkiyanla telefon danışığı aparıb.

Makron ilk növbədə Sécile Kohler və Jacques Parisin azad edilməsini tələb etdiyini bildirib: “Onların qeyri-insani şəraitdə saxlanılması ədalətsizdir. Onların Fransaya qayıtmasını gözləyirəm. Həmçinin İranın nüvə proqramı ilə bağlı dərin narahatlığımı bildirdim.”

Makron vurğulayıb ki, İran heç vaxt nüvə silahına sahib olmamalıdır və niyyətlərinin dinc olduğuna dair hər cür zəmanət verməlidir: “Müharibədən çıxmaq və daha böyük təhlükələrdən yayınmaq üçün bir yol olduğuna inanıram. Bu məqsədə çatmaq üçün Fransa və Avropa tərəfdaşları tərəfindən İranla başlanan danışıqları sürətləndirəcəyik.”