Azərbaycan News Agency

Fransa Prezidenti Emmanuel Makron İran Prezidenti Məsud Pəzeşkiyanla telefon danışığında İranda həbsdə olan fransız vətəndaşları Sécile Kohler və Jacques Parisin azad olunmasını tələb edib.

Makron, bu vətəndaşların "insani olmayan şəraitdə" saxlanıldığını bildirərək, onların dərhal Fransaya qaytarılmasının vacibliyini vurğulayıb.

O, İranın nüvə proqramına da toxunaraq, bu məsələdə Fransanın mövqeyinin aydın olduğunu bildirib. “İran heç vaxt nüvə silahına sahib olmamalıdır. İran nüvə proqramının sülh məqsədli olduğunu tam və aydın şəkildə təmin etməlidir”, – deyə Makron qeyd edib.

Makron regiondakı gərginliyin daha da artmadan sona çata biləcəyinə inandığını bildirərək, Fransa və Avropa tərəfdaşlarının İranla danışıqları sürətləndirəcəyini açıqlayıb.