Azərbaycan News Agency

Qətər Xarici İşlər Nazirliyinin bəyanatına əsasən, OPCW-nin İcraiyyə Şurası Baş direktorun dəvəti ilə Suriyə Ərəb Respublikasının maraqlarını OPCW-də təmsil edən Qətər Dövləti tərəfindən təqdim olunan, İsrailin Suriyaya qarşı hücumları və Kimyəvi Silahlar Müqaviləsinin tətbiqinə maneçilik törətməsi və Suriyanın keçmiş rejiminin kimyəvi silah proqramını aradan qaldırmaq səyləri ilə bağlı tələbi müzakirə etmək üçün xüsusi iclas keçirib.

İclasda Qətər heyətinə Qətər Dövlətinin Niderland Krallığındakı səfiri və OPCW-də daimi nümayəndəsi Dr. Mutlaq bin Macid Əl-Qətani sədrlik edib.

İclasda Qətərin çıxışında Əl-Qətani İsrailin Suriyə Ərəb Respublikasının torpaqlarına qarşı təkrarlanan hərbi hücumları da daxil olmaqla sərt siyasətini və pozuntularını qəti şəkildə qınayıb.

Əl-Qətani bu hərəkətləri regional və beynəlxalq sülh və təhlükəsizliyə ciddi təhdid və beynəlxalq hüququn, xüsusilə dövlətlərin suverenliyi və ərazi bütövlüyünə qarşı güc tətbiqini və ya güc tətbiq etmə təhdidini qadağan edən BMT Nizamnaməsinin 2-ci maddəsinin açıq pozuntusu kimi qiymətləndirib.