Azərbaycan News Agency

Kanal bildirib: “Deyr əz-Zor şəhərində, Fərat çayının hər iki sahilində SDQ ilə Suriya ordusu arasında avtomat silahlar və raketlərdən istifadə edilməklə toqquşmalar baş verib.”

Daha əvvəl, Dəməşqdəki rəsmi şəxslər və Suriyanın şimal-şərqindəki kürd muxtar idarəsinin rəhbərləri, Hələb vilayətində təmas xəttində həyata keçirilən bombardmanlar və təxribatlarla bağlı olaraq bir-birlərini ittiham ediblər.

Eyni zamanda, dünən Suriya İnsan Haqları Müşahidə Mərkəzinin (SOHR) mənbələri son saatlarda Müdafiə Nazirliyinə bağlı, Türkiyənin dəstəklədiyi qruplar ilə SDQ arasında cəbhə xətlərində hərbi gərginlik yaşandığını və Hələbin şərqindəki bölgələrə, həmçinin Rəqqanın şərq kəndlərinə yeni əlavə qüvvələrin çatdığını bildirib.

SOHR-un verdiyi məlumata görə, “Sultan Süleyman Şah” qrupu və “Əl-Həmzə” diviziyası Hələbin şərqindəki Deyr Haferdən Rəqqanın şərq kəndlərində yerləşən Akireş qəsəbəsinə qədər uzanan cəbhə xətlərinə hərbi əlavə qüvvələr göndərib. İki vilayəti birləşdirən yol boyunca zirehli texnika və orta, həmçinin ağır silahlar geniş şəkildə yerləşdirilib.

Bu arada, yeni bir hərbi gərginlik dalğasına cəlb olunmaq qorxusu ilə SDQ, qəfil hərbi hadisələrə hazır olmaq və bütün cəbhə xətti boyunca mövqelərini möhkəmləndirmək üçün hərbi hazırlığını artırıb.