Azərbaycan News Agency

Sybiha qeyd edib ki, bu binalar hərbi hədəf deyil, tamamilə mülki yaşayış əraziləridir.

Onun sözlərinə görə, Rusiyanın Xarkovdan Lvova qədər ölkə üzrə həyata keçirdiyi hücumlar onlarla insanın yaralanmasına və həlak olmasına səbəb olub, kritik mülki infrastruktur, xüsusən enerji sistemi zərər görüb.

Ukraynanın xarici işlər naziri bildirib ki, Rusiyanın davam edən terror əməliyyatları Moskva üzərində real sülh planına məcburedici diplomatik təzyiqin artırılmasını tələb edir və əlavə edib: “Rusiyanın başlamamalı olduğu, qazana bilməyəcəyi və bitirməkdən imtina etdiyi bu müharibədə sanksiyalar, təcrid və hesabatlılıq nəhayət Moskvanı sülhə məcbur edə bilər.”