Azərbaycan News Agency

Tajani bildirib ki, Rubio ilə söhbət zamanı Qəzzadakı atəşkəslə bağlı fikir mübadiləsi aparılıb.

O vurğulayıb ki, ABŞ Prezidenti Donald Trampın Sülh Planının sürətli icrası üçün birgə çalışırlar və əlavə edib:

“Plan həmçinin girovların tezliklə evlərinə qayıtmasını nəzərdə tutur. ABŞ-ı fəaliyyətinin səmərəliliyinə görə təbrik etdim; bu, böyük siyasi və diplomatik uğurdur. İtaliya Fələstin xalqına humanitar yardım göstərmək səylərini davam etdirəcək və İsrailin təhlükəsizliyini təmin etmək üçün çalışacaq.”

Tajani əlavə edib: “İtaliya hökuməti ABŞ və digər Avropa və regional tərəfdaşlarla birlikdə sabitliyin təmin edilməsinə tam şəkildə töhfə verməyə hazırdır. Biz əsgərlərimizlə sülh və təhlükəsizlik missiyalarında, şirkətlərimizlə isə Qəzzanın bərpasında — məktəblər və xəstəxanalardan başlayaraq — iştirak etməyə hazırıq.”